“अडीच वर्षांचा कट: ‘सोशल मीडिया फ्रेंड’नेच तरुणीचे आयुष्य केले उद्धवस्त, नंदुरबार-नाशिकच्या लॉजमध्ये घडला थरार”

बातमी लाईव्ह न्यूज | 3 ऑगस्ट 2025 | आज आम्ही तुम्हाला अशा एका धक्कादायक गुन्ह्याची माहिती देणार आहोत, ज्याने सोशल मीडियाच्या अंधाऱ्या बाजूचा क्रूर चेहरा समोर आणला आहे. अडीच वर्षांपूर्वी झालेल्या एका सामान्य ओळखीने एका 21 वर्षीय युवतीचे आयुष्य कसे उद्ध्वस्त केले, याचा थरारक पर्दाफाश शहादा पोलिसांनी केला आहे.

शहाद्याची 21 वर्षीय युवती एका नराधमाच्या अत्याचाराला कंटाळून घर सोडले होते. तो क्रूर आरोपी, नाशिकचा रहिवासी, ज्याच्यावर आज तिच्या आयुष्याची राखरांगोळी केल्याचा आरोप आहे. या प्रकरणाची सुरुवात झाली अडीच वर्षांपूर्वी, एका साध्या सोशल मीडिया फ्रेंड रिक्वेस्टने…

नाशिकच्या या तरुणाशी तिचा सोशल मीडियावर संपर्क झाला. बोलता-बोलता मैत्री झाली, आणि ही मैत्री पुढे नियमित संवादापर्यंत पोहोचली. या मैत्रीचा गैरफायदा घेत आरोपीने तिला भेटायला बोलावले. सुरुवातीला सर्वसामान्य वाटणाऱ्या या भेटींनी लवकरच एक भयानक वळण घेतले. आरोपीने तिला नंदुरबार आणि नाशिकमधील लॉजमध्ये नेऊन तिच्यावर बळजबरी केली. पण त्याने एवढ्यावरच थांबला नाही. त्याने तिच्या नकळत, तिच्या इच्छेविरुद्ध तिचे अश्लील फोटो काढले. हे फोटो सोशल मीडियावर व्हायरल करण्याची धमकी देत त्याने तिला ब्लॅकमेल करण्यास सुरुवात केली.

या सततच्या ब्लॅकमेल आणि अत्याचाराला कंटाळून त्या तरुणीने 25 जुलै रोजी अचानक घर सोडले. ती बेपत्ता झाल्याची तक्रार शहादा पोलीस ठाण्यात दाखल झाली. पोलीस निरीक्षक निलेश देसले यांच्या नेतृत्वाखाली पोलिसांनी तात्काळ तपासाला सुरुवात केली.

तंत्रज्ञानाचा वापर करत पोलिसांनी या तरुणीचा माग काढला आणि अखेर तिला पंजाब राज्यातील पठाणकोट येथून सुरक्षित ताब्यात घेतले. यानंतर तरुणीने आपला भयावह अनुभव पोलिसांना सांगितला. तिच्या फिर्यादीवरून पोलिसांनी नाशिकच्या आरोपीला तात्काळ अटक केली.

आरोपीला न्यायालयाने पाच दिवसांची पोलीस कोठडी सुनावली आहे. या घटनेने सोशल मीडियावरील धोके पुन्हा एकदा अधोरेखित केले आहेत. या प्रकरणातून एकच शिकवण मिळते, ती म्हणजे, अनोळखी व्यक्तींवर विश्वास ठेवण्याआधी हजारवेळा विचार करा. कारण, ऑनलाइन जगतातील प्रत्येक मैत्री खरी असतेच असेनाही.